Plantun de Prouvènço

Pèr coumpara dos planto d'encò nostre

Galium boreale & Dryopteris villarii

Galium boreale

Rubiaceae

Nom en français : Gaillet boréal.

Descripcioun :
La reboulo-bourealo trachis en coulounìo (que fai de fiéu -estouloun-) dins li prado umido de mountagno. Coume es un pau mai grando que lis àutri planto, se vèi pulèu eisa. Li flour, óudouranto, fan un brout pulèu sarra. Fai peréu proun de ramo courteto sus uno cambo bèn drecho. Se recounèis à si fueio verticillado pèr 4, en long e en lanço, e subretout emé si tres costo.

Usanço :
Es uno planto diuretico (fai pissa). Emé li racino se fai uno tenchuro roujo.

Port : Erbo
Taio : 20 à 50 cm
Fueio : Verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 4
Ø (o loungour) enflourejado : 0,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Prado umido - Palun - Ribiero
Estànci : Subremediterran à Subaupen
Couroulougi : Bourealo
Ref. sc. : Galium boreale L., 1753

Féuse(-de-Villars)

Dryopteris villarii

Dryopteridaceae

Nom en français : Dryoptéris de Villars.

Descripcioun :
Aquest féuse trachis dins li lapié, valènt-à-dire li fendasclo de roco en mountagno. Es uno planto verdo-cendrado emé uno forto óudour de musc. Acò s'apren qu'es uno planto pegouso e glandoulouso (fotò). Li foundo drudo soun bèn drecho emé de peno virado vers lou bas.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 50 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Dryopteris
Famiho : Dryopteridaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : ges de flour
Flourido : Estiéu

Sòu : Ca
Autour basso e auto : 900 à 2300 m
Aparado : Noun
Juliet à setèmbre

Liò : Lapié - Esboudèu - Gaudre - Pinedo
Estànci : Subaupen à Aupen
Couroulougi : Ouroufito-Sud-Éuropenco
Ref. sc. : Dryopteris villarii (L.) Schott, 1834

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Galium boreale & Dryopteris villarii

ges

Coumpara Reboulo(-bourealo) emé uno autro planto

Coumpara Féuse(-de-Villars) emé uno autro planto